Mavandla Yokaneta Va Lava Mnangagwa Atisa Ku Cinca Eka Mafamambiselo Ya Nhlawulo

Collins Ndlovu:

Ejoni: kusele tinhweti nyana loko tiko ra Zimbabwe  ri ya eka nhlawulo wa mani na mani lowu wunga languteseriwa hi mahlo ngati  laha ku ehleketeriwaka kuri wuta vakona hi nhweti  ya Mhawuri lembe leri, mavandla yo kaneta valava murhangeri wa tiko Emmerson Mnangagwa atisa  ku cinca eka timhaka ta nhlawulo .

Murhangeri wa vandla ro kaneta  Movement for Democratic Change (MDC) Nelson Chamisa u humesele erivaleni marito ya leswaku anga pfumeleli Emmerson Mnangagwa kuri akhoma nhlawulo wa mani na mani loko vanga tsakangi hi mafambiselo ya nhlawulo.

Leswi swita endzhaku ka malembe  laha akuri naku hleketelela leswaku buku ya nhlawulo  ya tiko kuna vafi lava nga kona, kuthlela ku hleketeleriwa leswaku vandla leri fumaka ra Zanu PF  ri kanganyise nhlawulo  eka malembe ya 37 laha aku rhangela Robert Mugabe loyi anga tshika ntirho hi 2017.

Muyimela ku langwa eka xivandla xa vurhangeri bya tiko  u yile emahlweni a vula marito ya leswaku Zec (Zimbabwe Electoral Commission) kuna vanhu lava vanga na vuxaka na masocha ya tiko lava vanga endlaku kuri nhlawulo wunga fambi kahle hi ndlela ya xinawu.

Chamisa uyise emahlweni avula  kuri va endlile ndzhavisiso wo tiyimela ku lavisisa mintirho na swivandla swa swirho swa khomixini ya nhlawulo laha vakumeke leswaku va n’wana vana vuxaka na masocha na murhangeri wa tiko Emmerson Mnangagwa.

Va MDC vathlele va kombisa leswaku vata yisa emahlweni ku lwela ku xiximeka ka khomixini ya nhlawulo naku vona leswaku buku ya tiko ya nhlawulo yi sunguriwa kahle hi vuntshwa ku susa vafi.

Marendzo maku endzela matiko ya United States and United Kingdom hi murhangeri wa swa nhluvuko na swatimali yena Patrick Chinamasa ku ringeta ku vumba vuxaka bya mabindzu na matiko lama swi voniwile tani hi ma endlelo makahle hi vativi va tipolitiki.

Hambi leswi kuveke naku endzela matiko lawa, United States na United Kingdom va kombisile  ku sola eka nhlawulo wa mani na mani, vakomberile tiko ra kuva na nhlawulo lowu wunga va wuri wa xiyimo xale henhla, tani hilaha na ra Zimbabwe ringa humesa marito ya leswaku valanguteri va nhlawulo kusuka eka matiko mambe va amukulekile .