Picture: Ann7
Featured News Xitsonga

ANC NEC Yi Tlangela Vutomi Bya Winnie Madikizela Mandela

eJoni: Vandla leri fumaka ra African National Congress (ANC) rhavi rale henhla National Executive Committee(NEC) valanguteriwe ku hlangana namunthla a  Soweto kuya xixima  khale ka mulweli was ntshuxeko Winnie Madikizela Mandela.

Madikizela Mandela uhundzile emasivani hi musumbuluko  arina na malembe ya 81 axibhedlele xale Joni xa Milpark endzhaku kaku karhatiwa hi mavabyi nkarhi wo leha.

Endzhaku ka mahungu lama ma hlamariseke  vanhu yaku hundza emisaveni swinga languteriwangi ka Winnie Madikizela Mandela , valwela ntshuxeko xikanwe na murhangeri wa vandla leri fumaka Cyril Ramaphosa na varhangeri va swiyenge swa mfumo endzerile muti wakwe a Soweto.

Enakarhini wa sweswi, 80 wa rhangeri  va rhavi rale henhla ra ANC  NEC va languteriwe kufika nkarhi wunwani na wunwani.

Kuya hi swiviko,Murhangeri kumbe minisitara eka  hofisi nkulu ya Murhangeri wa tiko yena Nkosazana Dlamini Zuma uvule marito ya leswaku aku kunguhatiwile leswaku ntirho wo tsundzuka Winnie Madikizela Mandela wuta khomeriwa  a kerekeni leyi tivekeka hi Regina Mundi a Soweto.

Kambe kuvile na swiviko swa leswaku  sweswi va langute nhlayo yale henhla leyi nga ta vakona , vale ku laveni rivala lerinkulu ra mintlangu ku khomela kona ntriho lowu.

Murhangeri wunwani wa rhavi ra vamanana leri tivekaka tani hi African National Woman’s League (ANCWL) Magaret Baloyi uvule marito ya leswaku utaya kuya tlangela vutomi bya khale ka mulwela ntshuxeko  na ku chavelela vandyangu.

Vamfumo va humese xiviko xaku  ku heleketa mufi Winnie Madikizela Mandela endlwini yakwe yohetela  kutava kuri a Fourways Memorial Park, vathlela va vula leswaku ntirho waha hetisisiwa.

Leave a Reply