Collins Ndlovu
eJoni: Kusele masiku nyana loko khale ka murhangeri wa tiko Jacob Zuma afanele kuya tivonakarisa emahlweni ka huvo ya vululami a Durban, va vandla ra African National Congress (ANC) na South African Communist Party (SACP) vavula leswaku ava nge seketeli Zuma eka milandzu yayena ya vungungudzwani.
Vandla leri fumaka ra ANC vari vange seketeli khale ka murhangeri wa tiko Jacob Zuma loko aya tivonakarisa emahlweni ka huvo ya vululami mayelana na milandzu ya vungungudzwani, kambe swirho swa vandla swa pfumeleriwa kuya loko vanga amabali ximbalo xa vandla.
Vanwana vativi nkulu va tipolotiki va vule marito ya leswaku sweswi aswi fani na nkarhi luwa ahehliwa hiku pfinya, na milandzu ya vungungudzwani laha ari na nseketelo wale henhla swinene.
Matsalani nkulu wa vandla ra ANC Ace Magashule uvule marito ya leswaku vandla ra yitiva mhaka ya milandzu ya Zuma, halathlelo muvalvuleri wa vandla Pule Mabe uhumese xiviko ku kongomisa ka marhavi kuri va tipapalata eka kuya ka Zuma eka huvo ya nawu.
Loko avulavula ehandle ka muti wa khale ka mulwela ntshuxeko Winnie Madikizela Mandela, matsalani nkulu wa SACP Blade Nzimande uvule leswaku avenge seketeli Zuma tani hilaha va endleke hakona malembe ndzhaku hi 2009.
Loko vanwani vari na mavonelo ya leswaku Zuma wahari na nseketelo kusuka ka ANC Kwazulu Natal leyi yinga avana swinene,yinga rhangeriwa hi varhangeri va nkarhi nyana kunga Mike Mabuyakhulu na Sinhle Zikalala.
Hinkarhi wo tlangela paseka Sinhle Zikalala a heleketile Zuma loko a endzela kereke a Durban laha anga fika a nyika mbulavula eka nhlengeletani.
Halathlelo varhangeri va swavukhongeri na vanwabindzu vanwani a Kwazulu Natal va kombise nseketelo wavona eka Zuma tani hileswi vanga kunguhata ntirho wa xikhongelo vusiku hikwambyo loko anga se tihumelerisa emahlweni ka huvo ya nawu a Durban.
