Picture: SABC News
Languages News South Africa Xitsonga

Ku Tikeriwa ka Zuma ku andza

Collins Ndlovu:

Ku tikeriwa naku lwa ka Zuma kuya emahlweni tani hi leswi va National Prosecuting Authority (NPA) vanga pfuxelela milandzu ya vungungudzwani laha alanguteriwaka kuya eka huvo ya vuahlaruri yale henhla hi nwheti ya  6 Dzivamisoko 2018.

Endzhaku ka masiku nyana loko Murhangeri wa tiko Cyril Ramaphosa atava a nyike mbulavulo wayena  ekerekeni eka xifundza nkulu xa Kwazulu Natal hikarhi wo tlangela Paseka, hivona khale ka murhangeri wa tiko ra Afrika Dzonga Jacob Zuma nayena a endla tano.

Leswi swi tikomba hilaha vanhu kusuka ka swiyenge swo habana  nale ka vandla  leri fumaka ra African National Congress (ANC) na vanwani vanga kombisa nseketelo wa vona eka Zuma, vatshembisile leswaku vatava vari kona eka huvo yale henhla ya vuahluri .

Rendzo leri ri endliweke hi nkulukumba Ramaphosa e Durban laha anga nyika mbulavulo ekerekeni  na Zuma athlela aya nyika mbulavulo swivoniwa tani hi kombela nseketelo hi khale ka murhangeri wa tiko.

Leswi swi seketela hi marito lawa nga boxiwa hi Zuma “ vanhu vaka hina va ntshuxekile kambe mina ani ntshexekangi’, vativi nkulu vaswa tipolitiki va vula leswaku nkulukumba Zuma ule ku kombeleni ka nseketelo ngopfu exifundzeni nkulu xa Kwazulu Natal lava vanga nwi seketela kusukela ka nandzu wayena wo  hehliwa hiku mpfinya.

U komberile kereke  kuri vakhongelela vanwa tipolitiki na mavandla xikanwe na nhlawulo wa mani na mani lowu nga tava kona lembe leri taka ra 2019, vanwani vari  mbulavulo wa Zuma iwa munhu loyi anga kwata  ativonaku anga khomekangi kahle .

Vanwani vativi va tipolitiki va vula leswaku Zuma anga ringeta ku vuya ka tipolitiki hiku simeka vandla rayena leri ringa tava riri na nseketelo lowu kulu kusuka eka xifundza xa Kwazulu Natal,leswi swinga vana xi ave xo karhi eka ANC , kasi vanwani vari uveka vandla leri fumaka ehansi ka ntshikelelo ku andzisa nseketelo wayena .

Leave a Reply